ليه تحطين صورتك :)؟؟

سؤال يفرض نفسه في حياتنا ... وقاهرني حييييييل...

سالفه البنات اللي يحطون صورهم او نص صوره او ربع صورهم او ريحه من صورهم :)

ايش افهم ؟؟؟

دخلت علينا الثقافه الغربيه وغيرت كثير من اطباعنا وغيرت كثير في حياتنا بالنسبه لي ما امانع اننا نتأثر فيها. بس ناخذ الشي الزين بهالثقافه ونترك الشي الشين .. الشي اللي يخالف عاداتنا وتقاليدنا وقبلهم ديننا.

انتي يا عزيزتي البنت ياللي تحطين صورتك خلااص صار شي عادي ان صورتك تنتشر بعد ما كانت الوحده تنتحر لو انتشرت صورتها. من جد يالا سخريه القدر ،، قبل كانت الصوره تستخدم لابتزاز البنت والحين صارت البنت نفسها تعرضها بعد ما كانت تخاف عليها اكثر من روحها.

طبعا لو جينا نتكلم عن الحياء هذا شي خلاص شبه اختفا في عالمنا.. بس سؤال لهالبنات انتي بتسيرين كووول وشي مره حلو لو قلدتي الاجانب يعني عشان بالغرب يحطون صورهم عادي احنا صرنا عادي ،،، والمستفز بالموضوع ان يجيها الولد يقولها الله مره حلوه وتقوله ثانكس !!!!!!!!!!!!!!!!!!!!!!!!!!!!!!!!!!!!

تراها اشياء تقهر وتصيح بس احنا عشاننا تعودنا عليها وما نتمعن ونفكر فيها نحسها عادي بس لااااا مو عااادي اللي تسوينه حرااام تبين تسيرين زي الغرب او الاجانب لانهم هم اللي يحكمون العقول البشريه حاليا

اوك ما الومك سيري نفسهم بس مو بهذا ليش ما نسير نفس الغرب في عملهم ونظامهم واحترامهم للاوقات

انا بالنسبه لي اشوف ان هذا نقص من جميع النواحي ...

عزيزتي البنت ياللي تحطين صورتك ما تدرين انتي بهالصوره شنو سويتي :)

كسبتي اثم كل انسان يشوفها غير انك تكسبين اثم انك اغريتي الشباب لان الحين الصور ما صارت صور وبس لا صارت صور فاضحه وفي تنافس على جمال الاجسام والمناطق ....الخ

صار الاسك والنت لوق والفيس بوك والتويتر عباره عن موقع اسمه فلكر :)

اتمنى بيوم تصحون من غزو العولمه هذا وتاخذون من العولمه اللي يفيدكم واللي يخلي العرب والمسلمين يرتفعون ويرتقون اكثر على مستوى العالم

اللي يخلينا شعب نظامي، متحضر، مبدع، مفكر، منجز و مخترع

اتمنى ان البنات يحاولون ياخذون كلامي بعين الاعتبار مو كعاده الشعب العربي والسعودي بالاخص انهم يستهزئون بأي نقد او فكره تطرح

N.H.A